官方宣言 GM管理準則 遊戲使用合約
 
 

中華網龍服份公司即將進出o既『新蜀山劍俠Online』,係第一部融入o左好多創新元素o既線上武俠遊戲鉅作,亦同時係一部最貼切詮釋『蜀山劍俠傳』o既經典代表作。而2006年所推出o既『新蜀山劍俠Online』裡面,玩家就可以徹底知道,呢部令亞洲武俠作家封為經典作品o既獨有魅力。歷經過中華網龍一段長時間架企劃、研討同設計之後,我o地就可以透過網路同玩家一齊遨遊、體驗還珠樓主法寶、神通、法術、飛劍喇,奇之又奇、玄之又玄o既幻想世界。

相信好多人對『蜀山劍俠傳』一定會感覺好陌生,但係大家耳熟能詳o既『長眉真人』、『紫青雙劍』、『蜀山傳』呢D題材,就全部都係o黎自『蜀山劍俠傳』裡面o既劇情。究竟『蜀山』係咩o野o黎?而『蜀山劍俠傳』o既內容又有D咩o野精采o既地方呢?

關於「還珠樓主」

『蜀山劍俠傳』作者還珠樓主李壽民,四川長壽縣人,生於西元1902年,卒於西元1961年,年少o既時候以聰穎聞名四川。

壽民出身官宦世家,細細個就跟住老豆遊歷各地,足跡踏遍名山大川。十七歲o既時候老豆過生,被迫離鄉謀生。十九歲時壽民有友人幫助之後寄居o係北京。由於壽民受到諸子百家思想o既薰陶,文筆翰墨根基極為深厚;更由於興趣廣博,對佛道醫卜o既涉獵亦有D心得;所以就接受o左天津「天風報」o既邀請,o係西元1932年,壽民就開始以「還珠樓主」做筆名,寫作長篇章回武俠小說『蜀山劍俠傳』。同年七月開始連載,一舉就轟動文壇,一夕成名。

由於壽民o係四川長大,對於蜀地群山有一份依戀。兼且戰亂時期曾經隱逸於峨嵋同青城兩座山之中,呢種山林生活體驗,成為佢日後創作『蜀山劍俠傳』o既重要資源。而『蜀山劍俠傳』就係以壽民最熟悉o既峨嵋山作為創作背景,由於峨嵋山勢靈秀,兼且自古就流傳住好多神跡,所以壽民就吸引o左呢D神跡,創作出峨嵋群仙為背景o既故仔,無返咁上下想像力都冇可能諗到呢D創作。

『蜀山劍俠傳』架天馬行空

你一定睇過好多出現御劍飛行o既電腦橋段,但係你有冇諗過御劍飛行係出自邊度呢?答案就係:蜀山劍俠傳。係唔係覺得好新奇啊?『蜀山劍俠傳』係一部超級長篇o既章回小說,大約有五百萬個字;其實除o左御劍飛行外,仲有好多新奇創意啊。

要講到當中獨特o既創意,又點少得嶄新o既世界觀同輪迴觀,亦即係所謂o既劍仙世界。劍仙世界當中o既金木水火土,雷電星光磁,都係涵育著菁英,可以利用收攝練成每一種神兵法寶。以及獨創奇特o既『修仙制度』,亦即係「修練可至長生,仙家卻有死劫」。還珠樓主o係呢書入面所設訂o既大部分人物,佢o地唔係神仙,更加唔係凡人,而係居住o係神、凡之間o既修道人。而係佢o地o既成仙過程中,最後可能失敗而形神俱滅,亦都可能成功與天地同壽。利用呢個修仙o既法則,造就o左獨一無二架o既蜀山劍俠獨特世界。而我o地o係『新蜀山劍俠Online』裡面,就係將故事裡面o既修仙著眼o係『學習』方面,將凡人到神仙o既過程串連起成個故事。

全書還珠樓主運用獨特o既想像力,同埋對峨嵋群仙o既高明描述,調配出一個同世俗恩怨迥異o既神幻世界。其中作者交雜咁使用仙人、法寶、精靈,結合鬼怪、神話、武俠等元素,再混合o左獨特o既正邪觀念,咁就將呢個中國式o既「天外世界」世界點綴得繽紛亮麗。

西元1932年還珠樓主開始o係天風報連載『蜀山劍俠傳』,由於內容宏大、故事包羅萬象,用o左30年寫作時間,『蜀山劍俠傳』依然仲未寫完。呢家所流傳o既版本係o係還珠樓主去世之後,經由香港知名作家倪匡之手編輯修改。全部分成正傳五十集仲有後傳五集,總共三百二十九回。『蜀山劍俠傳』其中包含住好多獨特o既創意,令好多小說家魂牽夢引,仲將佢視為中國神怪武俠o既圭臬。

絕無僅有o既『新蜀山劍俠Online』

o係『蜀山劍俠傳』o既定位上,小說評論家葉洪生曾經高度評價話:「還珠樓主o既文字係屬於文白夾雜體,典麗、古樸兼而有之。」「其寫人寫景固一世之雄,不作第二人想;而且敘事敘物更加係窮極幽玄,淩絕古今!」

亞洲奇幻小說泰斗──倪匡先生都有曾經公開評論話:「o係我心裡面,天下第一奇書都o係還珠樓主所著o既武俠神怪小說『蜀山劍俠傳』。或者你仲係唔能夠了解,點解呢部小說會得到倪匡先生高度推崇;更唔能夠明白小說有咩o野過人之處。如果係咁,你就要快D加入『新蜀山劍俠Online』o既世界,進一步了解蜀山劍俠們o既神奇故事喇!