新手須知
遊戲安裝
進入遊戲
介面說明
操作指南
個人屬性
黃易熱鍵
黃易小幫手
黃易設定ABC
 
回主頁
   
 
 

 

  本單元將陸續彙集黃易o既種種貼心設定,玩家或者已經知道,又或者到呢家都仲係一知半解,呢家就等我o地特登再公佈出o黎,等各位新手玩家可以迅速獲益,進而o係最短o既時間之內體驗到黃易o既迷人之處啦!!
 
Q1: 請問點解我o係打怪o個陣攻擊力會咁低,打起怪上o黎咁辛苦?我睇人o地打出o黎o既光影好勁,但點解我打o個陣就會弱咁多?仲有我o係公頻上一直聽人講消武點消武點,消武點究竟係乜o野意思?
Q2: 我o係練功o個陣遇到一D問題,就係我o既血、內唔夠,每次遇到強怪,續戰力唔夠,好快就會死,但係又唔捨得將屬性點數投資o係體魄、真元,請問有D咩解決o既辦法嗎?
Q3: 我係一個比較冇時間練功o既玩家,每日大約只可以練2個鐘,但係最近發現,由於等級唔高,所以我o既武點同可以提升o既武功等級都唔係好夠,每次打怪o個陣,都只可以揀綠怪、黃怪o黎打,咁樣造成我o既升級速度又更加慢喇,呢個睇起o黎係一個惡性循環,有冇咩o野方法可以解決呢?
Q4: 我o既初階武功等級練到100級喇,跟住落o黎仲可以學新o既嗎?要點樣學?仲有,我解完o左好多任務,但係我點先可以知道我仲漏o左邊D未學?唔通真係要我跑晒所有地圖,先可以一一解到嗎?
Q5: 黃易商人賣o既武器裝備點解咁奇怪?唔係等級太低就係太高,我呢家20幾級喇竟然冇一件o岩用o既武防?點解我o係拍賣頻道上睇到好多商人NPC冇賣緊o既裝備呢?仲有,一出城門口都會見到一堆好似機器人o既物體,呢D係乜o野o黎?唔通就係傳說中o既外掛嗎?
 
...........................................................................................................................................................................
 
Q1:請問點解我o係打怪o個陣攻擊力會咁低,打起怪上o黎咁累?我睇人o地打出o黎o既光影好勁,但點解我打o個陣就會弱咁多?仲有我o係公頻上一直聽人講消武點消武點,消武點究竟係乜o野意思?
A:
  好明顯,呢位玩家遇到o左一個關鍵性o既問題,先會導致咁樣o既結果。就係佢冇使用黃易o既「武學系統」。呢家就等我o地一步步o黎解決呢D問題啦。
 
‧《攻擊力過低》:

  玩家如果唔用武學系統o黎進行練功,將只可以使用普通攻擊,o係普通攻擊o既狀態之下,玩家只可以使用自己o既「力量」屬性值,搭配武器本身o既攻擊力o黎進行攻擊,咁樣唔單止攻擊力低,命中率都唔會高,對於練功o黎講當然會相當辛苦,所以我o地建議呢位玩家,必須要馬上使用「武學系統」,o黎瞬間提升自己o既練功效率。

   玩家首先請打開「技能介面」,入面會見到「外功」、「內功」、「其他」頁籤,o係外功o個一頁度,又細分o左刀、劍、拳、槍、棍五類武器,請先選擇自己想要鑽研o既一類武功,再將顯示o係o個頁o既武功圖示,拖拉到快捷列度,之後將正確o既武器裝備o係身上,然後只要按下該圖示,你o既角色就會擁有呢門外功o既攻擊能力,呢個時候再去打怪,玩家將可以見到令你意想不到o既效果,唔單止會成日出現超型o既光影,同時攻擊力將會大增,命中率亦都大幅提升,用普攻o個陣需要10秒先可以解決o既怪,用外功可能只要一半甚至更少o既時間! (相關設定請按我
 
‧《消武點》:

消武點牽涉到幾個重點,分別係「咩o野係武點」、「武點點樣取得」、「武點點樣消」:

  1. 咩o野係武點:
       簡單o黎講,武點係黃易遊戲入面相當重要o既一個部份,武點係玩家武功升級o既門檻,當玩家擁有足夠數值o既武點之後,可以將武點投資o係想要升級o既武功項目入面,每升一級,該武功o既能力就會相對增加,而武功等級越高,所需要投入o既武點亦都越多,所以武點係相當重要o架!
  2. 武點點樣取得:
       武點好容易就可以得到,首先玩家創一隻新角色o既時候,身上就會有5000點武點可供運用。另外,玩家可以o係練功打怪o個陣,一併取得等級經驗值同武點;o係打坐回血回內o既同時,亦都可以一併獲得武點;解完任務o既時候,有D任務獎勵會係武點丹,一經使用亦都可以獲得武點。
  3. 武點點樣消:
       由上面o既說明o黎睇,我o地可以知道,所謂o既消武點,其實就係提升武功等級o既意思,玩家想要提升任何一門武功,都必須搵到當初學習o既武功NPC,例如玩家想要提升二階刀法「血戰十式」,就只可以去到揚州城破屋附近,搵返當初學呢招o既武功NPC李靖,只要玩家身上o既武點足夠,就可以進行升級動作。不過要注意o既係,玩家身上每一次所可以累積o既武點係有限o既,一次最多只可以累積50000點,當玩家超過呢個點數o既時候,再獲得o既武點就唔會再繼續累積,呢個時候玩家一定要去升級武功,唔係就會浪費晒D武點o架喇!!
相關設定請按我
 
...........................................................................................................................................................................
 
Q2:我o係練功o個陣遇到一D問題,就係我o既血、內唔夠,每次遇到強怪,續戰力唔夠,好快就會死,但係又唔捨得將屬性點數投資o係體魄、真元,請問有D咩解決o既辦法嗎?
A:

  雖然話每位玩家對遊戲角色o既塑造都係獨一無二o既,但係基本上想o係黃易入面生存,單憑一個屬性o既強大,會係相當辛苦o既,所以俾玩家o既建議係,儘量向住兩種甚至三種屬性o黎發展,對角色o既健全發展會比較有幫助。

   如果玩家有堅定o既決心行極端屬性o既養成,咁以下呢個建議可以令血內唔夠o既情況稍微改善,就係去修習「九玄大法」同「後天真氣」呢兩個屬於內功範疇o既武學。玩家只要同企o係揚州城中央,拱橋上o既武學NPC-傅君婥對話,就可以修習。九玄大法可以令玩家增加氣血上限,後天真氣可以令玩家增加內力上限,玩家只要好似學習外功咁,將武點投資o係呢兩個內功度,武功每升一級,就可以提高8點上限值,如果兩者都升級到100級,將會各加800 o既氣血同內力上限值,對於唔想投資體魄真元o既玩家o黎講,呢個數值唔多唔少都一定幫到大家o既。 (相關設定請按我
 
...........................................................................................................................................................................
 
Q3:我係一個比較冇時間練功o既玩家,每日大約只可以練2個鐘,但係最近發現,由於等級唔高,所以我o既武點同可以提升o既武功等級都唔係好夠,每次打怪o個陣,都只可以揀綠怪、黃怪o黎打,咁樣造成我o既升級速度又更加慢喇,呢個睇起o黎係一個惡性循環,有冇咩o野方法可以解決呢?
A:

  武點唔夠相信係好多玩家遇到o既難題,想要衝等,強大o既攻擊同血內夠厚,都係基本o既條件,但係一旦武點唔夠,以上o既o野都無辦法做到,咁究竟有D咩o野方法可以令武點增加呢?

   有o既!!呢個密技相信有好多玩家已經知道喇,亦都係點解揚州城石龍道場會成為打坐聖地o既原因!話說石龍道場乃係大唐雙龍傳入面,寇仲徐子陵兩兄弟一開始夢寐以求o既習武之所,道場主人石龍一手推山掌,打遍天下無敵手,小說入面雖然石龍最後比宇文化及打死o左,但係並唔影響佢o係遊戲入面o既影響力,咩o野影響力?就係「打坐調息」喇!!

  石龍會傳授角色等級夠10級o既玩家「打坐調息」呢招內功,玩家每升一級,打坐可以提升o既武點就可以增加1點,到玩家將呢門武功昇到100級o既時候,就可以擁有每次打坐一段時間就獲得101點武點o既超強效益!試諗o下,目前玩家練功打怪獲得o既武點,都差唔多係呢個數字,所以呢招對於平日冇咩時間練功o既玩家o黎講,真可以話係一大福音!日後玩家每日朝早起身,或者係放工放學之後,就可以o黎檢視呢D獲得o既武點再充分加以利用,練功o既時候就可以更加得心應手啦!(相關設定請按我

 
...........................................................................................................................................................................
 
Q4:我o既初階武功等級練到100級喇,跟住落o黎仲可以學新o既嗎?要點樣學?仲有,我解完o左好多任務,但係我點先可以知道我仲漏o左邊D未學?唔通真係要我跑晒所有地圖,先可以一一解到嗎?
A:
  會有呢個疑問o既玩家相信都唔少,因為習武同解任務的確係黃易入面相當重要o既玩法,但係你知道武功技能樹放o係邊度嗎?你知道任務樹狀圖放o係邊度嗎?如果知道o既話,呢位玩家o既問題都唔會再係問題,但如果唔知道o既話,玩家就要睇清楚以下o既說明喇!
 
‧《武功技能樹》:

  武功技能樹o既位置,放o係技能介面入面,就o係「外功」、「內功」、「其他」頁籤o既右邊,有一個小小o既圖示,按下呢個圖示,就會跳出所有外功(奇功絕藝榜)o既列表同埋佛道魔三門內功o既技能樹,外功o既修習較為單純,玩家只要等級夠,屬性投點夠,就可以學習;內功o既部份則必須按照技能樹o既路線去行,前置技能如果仲未完成,係無法學習後續技能o既。

   知道o左呢一點,日後玩家o係修習武功到o左一定程度o個陣,就可以參照技能樹o既走向,選擇自己跟住落o黎想要學習o既武功喇! (相關設定請按我
 
‧《任務樹狀圖》:
   對一個任務愛好者o黎講,完成任務係一件重要o既事,當然,累積自己所完成o既任務,同埋追蹤自己仲有幾多任務未完成,亦都同樣重要。你認為黃易冇為大家諗過呢一點嗎?當然唔會!玩家只要打開任務介面,o係「支線」、「主線」、「皇榜」三個頁籤o既右側,會有一個小小o既圖示,玩家按下呢個圖示,就會跳出支線同主線任務o既樹狀結構圖,有o左呢個結構圖之後,玩家就可以輕易知道任務之間o既關係,同埋任務o既起始點同觸發等級,超級方便。玩家以後就唔需要再為去邊度解任務而傷腦筋喇! (相關設定請按我
 
...........................................................................................................................................................................
 
Q5:黃易商人賣o既武器裝備點解咁奇怪?唔係等級太低就係太高,我呢家20幾級喇竟然冇一件o岩用o既武防?點解我o係拍賣頻道上睇到好多商人NPC冇賣緊o既裝備呢?仲有,一出城門口都會見到一堆好似機器人o既物體,呢D係乜o野o黎?唔通就係傳說中o既外掛嗎?
A:
   呢個問題其實對新手玩家o黎講真係相當實用,因為呢樣正牽涉到黃易o既一個重要功能,亦即係「生產系統」。 o係黃易入面想要賺錢有幾種管道,除o左練功打到o既o野可以拎去賣錢之外,最重要o既一種,就係靠賣裝備賺錢。但係靠賣裝備要點樣賺錢呢?以下我o地就為大家裝備製作o左一個流程圖,等各位能夠更清楚明瞭:
   黃易o既裝備最主要都係希望玩家利用製作o既方式o黎取得,咁樣既可以增加玩家之間o既互動,做出o黎o既成就感亦都係難以言喻o既,以下分別為大家說明:
 
‧《生活技能》:

   生活技能係裝備製作o既第一步,玩家首先必須揀好想要修練o既生活技能,然後解完相關o既生活技能任務(相關設定請按我)後,再等到角色等級12級之後,就可以向揚州城賓來客棧出面o既時空商人購買採集機器,並開始修練技能(相關設定請按我),呢D採集機器,其實就係玩家o係城門口睇到o既機器人喇,絕對唔係D咩o野外掛!係唔係覺得好可愛同特別呢?呢種心思,當然只有標榜穿越時空o既黃易群俠傳先會有!隨住生活技能等級o既提升,玩家可以拎到o既資源仲會更高級更稀有,但係,並唔係採集到資源之後就可以馬上加以利用o架!!

   拎到各類資源o既玩家,想要將基本資源精鍊做堪用資源,必須先透過合成介面先可以做得到,合成介面o係技能介面o既「其他」頁籤,玩家可以o係其中o既「資源」頁籤度,將取得o既基本資源放入去,將佢地精鍊成為堪用資源,等日後可以使用。 (相關設定請按我

 
‧《木材取得》:

   資源部份搞掂之後,跟住落o黎就係木材o既部份,木材o係合成裝備上佔o左非常重要o既成分,因為木材o係遊戲設定入面,只會o係打怪o個陣先會掉落,所以佢o既珍貴程度就唔駛再多講啦。因此如果想要合成裝備,玩家可以先去到合成介面,睇o下o個項裝備需要邊種木材,需要幾多,之後再去收集,咁就事半功倍啦。
‧《低階裝備》:
   由於o係合成系統o既機制入面,大部分o既高階裝備o係執行合成前,都需要前一階或者係其他低階o既裝備o黎做材料,所以請玩家唔好隨意丟棄冇用o既裝備。而低階裝備o既取得絕對唔難,好似打怪會跌,商人都會賣,所以玩家可以o係合成裝備之前,先去收集定一D,好似係耐久度就快用晒o既裝備就係好好o既材料喇。
 
‧《合成裝備》:


   上述三種材料都準備好之後,再加埋增加合成成功機率o既寶石(機率寶石唔係必備o既合成材料,解任務或者打怪都有機會得到),玩家就可以開始合成裝備喇!由於每一種裝備都有合成成功o既機率,所以合成失敗係相當有可能發生o既事,不過唔緊要,只要可以合成到出來,呢D裝備就一定可以為玩家帶o黎財富o架!!
相關設定請按我

 
‧《商業販售》:
  有D玩家或者對商業機制相當熟識,但係o係呢度都係同冇進行過o既玩家說明一下啦。現行黃易入面o既商業行為,分成一般商業機制同玩家互動機制兩種,玩家互動o既部份就係o係頻道喊話,然後雙方面對面個人進行安全交易,呢種方法非常直接,但係便利性就稍嫌唔夠喇。


   至於一般商業機制o既部份,就係黃易群俠傳o既主流行為,其中又分為兩項:拍賣頻道同個人商店。

  1. 拍賣頻道:
       玩家要進行拍賣o個陣,請先打開技能介面o既「其他」頁籤,拍賣功能o既木槌圖示就o係合成圖示隔離,按下之後就可以進入拍賣頻道,拍頻中仲細分o左「人氣拍頻」同「區域拍頻」兩種,人氣頻道係目前o既主流交易行為,玩家只要按下「我要拍賣」,並將物品拖拉到相應o既位置,再輸入起標o既價格,按下「拍賣」就可以進入拍賣o既排隊行列,要注意o既係,進行拍賣需要繳交手續費,就算係流標,手續費都係唔會退還,所以建議玩家拍賣之前一定要慎選商品,如果唔係就會白白浪費身上o既金錢喇!

  2. 個人商店:
       個人商店是為了紓解拍賣頻道過於擁擠所發展出來的嶄新商業機制,玩家可以自行開設商店,讓玩家前來購買,相當簡便,當然如果你有好的商品,客戶當然是源源不絕啦!