回主頁
   
 
 

你,做好防盜工作未啊?

為咗提醒玩家喺進行黃易群俠傳嗰陣,所可能發生嘅遊戲同帳號安全事件,以及遇到盜帳之後嘅處理方式,黃易團隊特登整理出一份「防盜先鋒」說明手冊,希望玩家能夠喺最安全嘅環境下順利進行遊戲,輕輕鬆鬆做好防盜工作,快快樂樂做一位絕世英雄!
 
防盜認識BASIC 益智問答Q&A 安全工具TOOL
 
防盜先鋒-益智問答Q&A
  知道咗防盜嘅基本常識之後,等我哋換個方式,以QA問答嘅方式,嚟為玩家解開心入面諸多解唔開嘅謎團啦!
Q:點解會出現盜帳嘅風氣?
Q:邊啲人係屬於被盜帳號嘅危險群呢?
Q:我目前冇用外掛,用掃毒程式亦都掃唔到木馬,係咪仲有可能被盜?
Q:官方密集推出防盜措施嘅原因係咩嘢?
Q:我唔想被盜帳號,要點樣做?
Q:黃易嘅遊戲帳號係隨機號碼而唔係自設,係咪會容易被盜﹖
Q:黃易一直推出防盜機制,係唔係資料庫被盜﹖
Q:黃易嘅網站係唔係被植入木馬?
Q:黃易目前嘅防盜機制成效點樣﹖
Q:係唔係有玩家使用防盜機制,仍然被盜?
 
 
Q:點解會出現盜帳嘅風氣?
A:
當免費遊戲風行以後,由於虛擬寶物嘅價值增加,所以有心人士更積極咁想要盜取玩家帳號,再以轉賣嘅方式,賺取暴利。佢哋利用各種嘅方式去盜取玩家嘅帳號,例如喺網吧度植入木馬、遊戲討論版度發出聳動嘅標題引誘玩家點擊、更甚係外掛網站同賣幣賣寶網站,對於玩家嚟講絕對防不勝防,而且唔理係邊款遊戲,只要越Hit就越容易成為目標。因此,我哋決定用最積極嘅行動面對,同時不斷咁推出防盜嘅方法。請玩家注意,所有盜帳號嘅行為都已集團分工,玩家未來玩任何一款遊戲被盜嘅風險只會增加,請玩家唔好忽視被盜嘅風險!
 
Q:邊啲人係屬於被盜帳號嘅危險群呢?
A:

1.曾使用或正使用外掛同賣幣賣寶網站(唔理係邊一款遊戲)
2.曾經喺公共場所(特別係網吧)上網嘅玩家,好多玩家都唔知道網吧係最容易被植木馬嚟盜錄您嘅帳號密碼(有啲木馬可能你用掃毒程式都掃唔到)

3.上過遊戲頻道上玩家推薦不明網址嘅玩家
4.點選過討論版中某啲聳動標題網址嘅玩家

 
Q:我目前冇用外掛,用掃毒程式亦都掃唔到木馬,係咪仲有可能被盜?
A:
木馬程式係隨時都喺度撰寫中嘅,就好似病毒隨時都喺度演變一樣,如果病毒碼尚未加入掃毒程式度,係掃唔出嚟嘅。另外,如果你曾經喺網吧上網,好有可能幾日前密碼已經被盜錄咗,雖然你屋企嘅電腦係安全嘅,但係你喺網吧嗰陣,木馬已經取得你嘅密碼喇,只係睇吓對方要不要盜用。但係有一日你喺屋企使用電腦被盜,卻唔知道係因為先前喺網吧上網嘅原因。最後要提醒您嘅係,外掛本身就係一個大木馬啊
 
Q:官方密集推出防盜措施嘅原因係咩嘢?
A:

1. 我哋認為免費遊戲興起之後,虛擬寶物越嚟越有價值,而嗰啲盜帳號嘅人已經集團化,我哋認為以後任何一款遊戲只要夠Hit,被盜嘅情況只會增加而唔會減少,所以我哋要主動咁做好對應。
2. 玩家嘅個人行為都唔一樣,我哋相信冇人可以確保任何一個玩家唔會因為個人嘅行為而導致被盜。然而以遊戲公司嚟講,可以認為呢樣係玩家自己做成嘅,但係我哋認為應該要主動做好防盜機制。
3. 因為早推出一日,就會減少一位玩家受害嘅可能。但係因為撰寫需要時間,所以玩家會覺得我哋幾乎每個星期都喺度密集推出。同時,由於每個玩家嘅需求都唔一樣,所以先會推出各種唔同方法。

 
Q:我唔想被盜帳號,要點樣做??
A:
  唔好心存僥倖,認為自己一定唔會被盜,只要做好準備,就可以將機率降到最低,甚至被側錄密碼都唔驚啦。方法如下:

1. 最簡單嘅方法,就係使用我哋提供嘅防盜機制,特別係『黃易保帳卡』機制。如果您係經常去網吧或者係被盜帳號嘅危險群玩家,強烈建議您務必要使用『黃易保帳卡』。
2. 除咗唔好成為上述被盜帳號嘅危險群之外,仍然要經常做Windows 嘅update(呢項係最重要嘅,因為Windows 經常會有漏洞),並且使用最新嘅程式掃病毒同木馬,咁就可以掃到已知嘅木馬(但係剛撰寫好嘅新木馬就唔一定掃得到)。
3. 同時為咗避免被側錄,玩家喺輸入遊戲密碼嗰陣都可以使用一啲小技巧。如果您嘅密碼係tom869,您可以先輸入tom89,然後再將滑鼠移到89之間,然後輸入6,咁樣萬一被側錄嗰陣,側錄到嘅就會係錯誤嘅tom896。同樣嘅方法,您都可先輸入to869,再輸入m,只要每次多變化,咁樣就可以提高安全性。
   除了上述問題之外,最近有啲玩家喺討論板上貼被盜嘅文章,由於我哋聯絡唔到對方,因此喺呢度作出回應。首先,我哋呼籲玩家喺討論板上張貼被盜嘅情況嗰陣,要係本人張貼,而唔係“我嘅朋友被盜”或者“我嘅朋友嘅朋友被盜”,因為我哋嘅客服人員睇到某啲奇怪嘅貼文後會同貼文者聯絡,但係到目前為止,只要唔係本人發生嘅情況,我哋都好難連絡到貼文者,我哋都唔知道呢啲貼文者內容係唔係真實,或者有其他目的。近日有幾位玩家有類似嘅情況,喺討論版貼咗朋友被盜嘅文章後,我哋寄信俾對方,希望對方告知我哋聯絡方式,然後我哋就可以同對方連絡上,唔會有客服電話打唔通嘅情況,但係呢啲玩家往往都唔回信。亦因此,我哋喺呢度回答玩家經常會問嘅問題。

 
Q:黃易嘅遊戲帳號係隨機號碼而唔係自設,係咪會容易被盜﹖
A:
一般嘅遊戲公司嘅帳號同密碼可以俾玩家自設,但係由於習慣性,亦會導致一種情況︰玩家喺某個公司嘅遊戲帳號密碼,往往喺玩另一個公司遊戲嘅時候都設一樣嘅帳號密碼。但係如果有一家公司嘅防盜能力好差,成個資料庫被盜走嗰陣,盜帳號者就可以根據 A公司取得嘅帳號密碼去到B公司嘅遊戲去盜取。我哋嘅做法係同其他公司嘅做法隔絕,帳號由我哋統一發放,但係密碼由玩家自設,咁就唔會因為其他遊戲公司嘅防盜能力唔好而影響到我哋嘅玩家。
 
Q:黃易一直推出防盜機制,係唔係資料庫被盜﹖
A:
我哋一直推出防盜機制,係因為黃易目前係最熱門嘅遊戲,盜帳號者一定會諗辦法對玩家盜取帳號,所以我哋採取積極嘅動作回應,我哋都相信呢個先至係負責任嘅做法。細心嘅玩家應該發現,我哋嘅遊戲係唔可以喺官網中儲值同修改密碼嘅,玩家喺第一次進入遊戲就強制您自設密碼,咁就表示我哋玩家自設嘅帳密根本唔喺最容易被入侵嘅網頁中(因為windows 嘅web成日都會有好多漏洞),而且喺遊戲入面我哋根本冇使用萬一被盜之後容易被破解嘅資料庫,點會出現資料庫被盜嘅講法呢?
 
Q:黃易嘅網站係唔係被植入木馬?
A:
黃易嘅官網經過『HACKSAFER』定期掃描認證,同時我哋每日都會確認所有嘅安全程序同Windows update,請玩家放心。我哋有時候睇到玩家話連上官網,發現某某檔案有木馬,結果我哋一查發現官網上根本冇使用該檔案(亦即係話該檔案係嗰位玩家自己存取嘅檔案,同官網無關),因此請玩家唔好反應過度。
 
Q:黃易目前嘅防盜機制成效點樣﹖
A:
我哋推出幾種防盜機制以嚟,尤其係保帳卡之後,玩家被盜率大幅下降,主要因為有重要物品嘅玩家絕大部分都使用咗防盜機制。但係仲係有玩家唔使用我哋提供嘅機制而被盜,原因係“我先去過網吧一次,唔會咁黑仔啦“、“我呢個帳號嘅物品都唔貴重”、“覺得麻煩”等原因,我哋喺呢度都係再次呼籲玩家善用我哋提供嘅機制,有備無患。
 
Q:係唔係有玩家使用防盜機制,仍然被盜?
A:
每一個機制推出嗰陣,我哋都會說明佢可以做到嘅地方同唔可能做到嘅地方,我哋都列出咗優點同缺點喺各種防盜機制上。先前有玩家使用『數位密碼鎖』機制,盜帳號者入侵後因為唔可以盜走,所以就將該物品衝爆,後嚟我哋都加強咗預防衝爆嘅機制。目前並冇玩家回報正確使用我哋嘅機制之後,喺機制中確保安全嘅部分仲會被盜
 
我哋絕對係同玩家企喺同一陣線,期望可以對玩家嘅帳號做最好嘅防護。要做到呢點,我哋除咗希望玩家養成良好嘅遊戲習慣,使用我哋嘅防盜機制,甚至有任何可能嘅問題都請玩家回報,如果因此可以改善我哋嘅機制,我哋都會給予玩家點數嘅獎勵回饋喔。