回主頁
   
 
 

你,做好防盜工作未啊?

為咗提醒玩家喺進行黃易群俠傳嗰陣,所可能發生嘅遊戲同帳號安全事件,以及遇到盜帳之後嘅處理方式,黃易團隊特登整理出一份「防盜先鋒」說明手冊,希望玩家能夠喺最安全嘅環境下順利進行遊戲,輕輕鬆鬆做好防盜工作,快快樂樂做一位絕世英雄!
 
防盜認識BASIC 益智問答Q&A 安全工具TOOL
 
防盜先鋒-防盜認識BASIC
  想要防盜,玩家你唔可以唔知道帳號被盜嘅成因同防盜嘅基礎認識!以下三個步驟,可以令玩家了解來龍去脈,進而更加了解處置嘅方式喔!
 
防盜BASIC1 避免使用外掛
  近嚟有越嚟越多嘅遊戲公司反映,旗下遊戲嘅被盜情況有增加嘅趨勢。被盜嘅主要原因係玩家嘅電腦被植入咗木馬程式。木馬程式寄生喺玩家使用來歷不明嘅程式或者瀏覽不明嘅網頁,甚至因為下載咗某啲程式,目的係去竊取玩家嘅機密。駭客想要盜賣玩家嘅物品裝備同金錢,就必須先得到玩家嘅帳號同密碼,最好嘅方式就係放木馬程式。但係有邊啲遊戲程式玩家會想去下載同執行呢?答案就係外掛網站或者賣幣賣寶嘅網站。有啲外掛雖然冇植入木馬程式,但係有心人士可能會將呢個外掛破解之後再加入木馬程式,然後用種種嘅優惠吸引玩家使用呢個假外掛,玩家一執行之後就會啟動木馬程式,準備盜錄密碼同帳號。另外一種會被植入木馬嘅網站,係提供玩家遊戲外交易嘅平台,例如賣幣賣寶網站。呢啲平台有啲已經內藏咗木馬而玩家係唔知道嘅。所以防盜嘅第一個步驟就係唔好用外掛或者連上賣幣賣寶網站
 
防盜BASIC2 時常進行掃毒

  但係您並唔知道屋企或者公共場所嘅電腦係唔係已經被植入咗木馬,所以防盜嘅第二個步驟就係每日定期使用最新嘅掃毒程式(含最新嘅病毒碼)嚟掃毒或者掃木馬,但是如果該木馬係新撰寫完成嘅話,掃毒程式都掃唔到出嚟。因此如果您會喺網吧上網或者上過特殊網站,強烈建議您使用我哋嘅『黃易保帳卡』。請玩家每日定期使用網頁掃毒,但係如果玩家發現木馬或者病毒想清除,目前可能必須購買該公司嘅軟體。我哋正同所有防毒公司洽談合作,希望能夠俾玩家一個優惠或者免費使用一個月,如果趕得切,我哋會喺下次推出資料片嗰陣包含埋呢啲優惠券。同時,如果有新嘅防毒公司網頁,我哋都會新增俾玩家點選。當然,如果玩家有其他知名嘅掃毒或掃木馬程式都可以自行使用,但係一定要確定更新到最新嘅版本先可以確保安全。
  如果每日掃毒都冇事,係唔係就代表一定唔會被盜?咁又唔一定。如果你使用外掛程式,你輸入嘅帳號密碼佢一早已經記錄起嚟,如果呢個外掛想盜你嘅帳號,係輕而易舉嘅。而且,喺呢種情況下,掃毒程式係掃唔到嘅,因為根本冇木馬程式,但係外掛卻將你嘅帳號密碼已經紀錄低。因此,掃病毒同木馬只可以治標並唔可以治本喔

 
防盜BASIC3 網吧都要防盜

  使用網吧電腦之前,要先同店員確認電腦係咪有安裝還原程式,使用電腦前請先重新開機。喺輸入密碼嗰陣請先確認有冇陌生人喺旁邊紀錄你嘅密碼,即使暫時離開電腦亦要將遊戲登出,離開網吧前要離開遊戲並重新啟動電腦或將電腦關閉,返到屋企嗰陣請立刻更改遊戲密碼。
  最後,最重要嘅係,你必須確認你被盜嘅原因係咩嘢,係你曾經喺網吧上線定係喺屋企上線,係唔係電腦入面仲有木馬。如果你唔將木馬完全消除,即使你放棄該遊戲去玩下一款遊戲,你嘅新遊戲仲係有可能會被盜,因為呢啲駭客係集團化嘅。所以防盜嘅第三個動作之三就係完全去除您可能被駭嘅原因。舉例嚟講,如果您曾經喺屋企下載過外掛或者上過賣幣賣寶網站結果被盜,咁您必須要將電腦入面嘅木馬完全清除,如果玩家唔知道點樣清除,最簡單嘅方法就係重峁安裝電腦作業系統,由頭嚟過一次。總結,最簡單避免被盜嘅方式就係唔好使用來歷不明嘅程式或者網站,特別係外掛網站同賣幣賣寶網站