新手必看第二波,Lv.11-20應該點練?哈哈,入嚟睇吓啦! 2008/5/2
 
休養生息重出江湖
經過一晚休息之後,起身果然精神好多。今日繼續喺三國鼎立嘅世界入面闖蕩探險。主線關卡練得差唔多啦,告示榜嘅「成人之美」都玩過啦,只剩低武列傳果邊睇起嚟似乎頗為困難而暫且留住唔解。今日要做啲唔同嘅嘢!

等級提昇冒險啟程
等級11級之後,終於可以出城遊歷一番,睇見好多唔同主城嘅風貌,同交界嘅路人都好得意!咦?見到一個驛站夥計,唔駛講一定係可以帶我去更多地方嘅好幫手。詢問之下,先發現原來有個神秘中立國樓蘭國,而且其他城市都可以經由驛站傳送,真係超方便。


中立樓蘭中東風味
一去到樓蘭國,見到好多唔同勢力嘅人喺度交流,除咗比試比試之外,仲有人交易拍賣!真係名副其實嘅商業城。喺沙漠入面都有咁嘅一塊淨土,令三方對立嘅民眾有一個地方可以緩和一下戰鬥情緒,令戰場歸戰場,私下歸私下。


遼闊大陸多樣城池
有時喺右上方經常出現各地出現寶箱武將嘅訊息,到底係咩嚟嘅呢?係呢個時候突然又有呢種訊息出現,事不宜遲,即刻上去驛站傳送到當地城市一探究竟。花咗少少錢去到之後,發現雖然比主城細好多,但亦都有主城所冇嘅特產販售,據說呢樣係睇城市嘅規模繁榮程度而定,所以話唔定呢家呢度買唔到嘅嘢,以後嚟買就會價格翻漲。


生活技能新鮮體驗
玩咗咁多,係時候番主城啦。城裡嘅人同我講,11級之後可以去學採集技能,咁就去睇睇啦!首先要準備好工具,負責採藥的老伯果邊就買得到,跟住請他傳送到採集區,點兩下工具就可以開始採了。等咗一陣,果然就有新鮮草藥到物品欄入面,打開陣容一睇,採集介面嘅採藥亦都多咗經驗值。聽講,生活技能有6大項,各項技能都有各自嘅師傅,一啲都唔駛擔心會唔方便。




運用寶物極速升級
玩咗一日,亦係時候去練練功啦。最近剛好有拎到經驗值加倍的事半功倍丹,咁我都去挑戰武將列傳,有消息最近有5倍經驗,雙管齊下,一定經驗值暴增,哈哈哈… 哇!原來武將列傳咁難打,一個人去好快死,就算我有幾個好夥伴都冇用。還好就算失敗咗,都有經驗值。經過幾回嘗試之後,終於喺其他玩家嘅幫忙協助之下,一舉從16突破到20級,且贏得勝利。耶!我都有皇甫嵩啦,收到名將嘅感覺真好。