新手必看!喺三國鼎立嘅第一日,Lv.1-10我教你點玩! 2008/4/30
 
三國鼎立 牛小排1-10級奇幻之旅

◎輝煌身世 奸人陷害
大家好!我係牛小排。第一日進入三國鼎立,就見到人山人海嘅好不熱鬧。另外亦都知道我身世之謎,原來我過去曾經係咁偉大,為咗國家拼咗條命出去,仲要俾奸臣陷害,真係人言可畏,不得不說要提防人心,免得再次落得悲慘下場…

◎三大區域 多種關卡
閒話唔多講,經由南華老頭,唔係!係南華老仙嘅相救,同各種精采嘅解說後。我!牛小排,正式踏上搵番失去光輝嘅第一步。咦?風光明媚嘅成都主城,點解會有咁多人圍埋一齊?而且好似有幾個區域嘅感覺,南華老仙果邊一向人多就冇得好講姐(邊個叫佢成日鐘意去救人),但係連仙女果邊都有一堆人?大概係因為生得靚的關係?不過告示板果邊人都唔少,莫非其中有啲咩關聯?仲有,人人都有跟班,好似桃華、簡雍等等武將,唔通我錯過咗啲咩?

◎仙女幫助 炙靈相挺
快啲去人堆入面睇吓搞邊科先,詢問之下,原來大家都正喺度過關斬將,同我一樣要復興失去咗嘅偉業。好!咁就一齊啦!論拼勁,我牛小排唔會輸俾任何人!聽講要先去一開始仙女果邊,先可以得到同伴嘅加入,而且佢仲係一個大美女呢。個名字好熟,係炙靈,應該唔係打分數果個…好啦,番番去正題,仙女指引我嚟到呢度,一定係別有用心。炙靈喺連續關卡入面,教咗我好多知識,最後仲加入我方。本想繼續進行下一關,結果因為實力太差入唔到去。唔緊要!總有一日我會番嚟!睇住嚟啦!

◎回到過去 英雄奇遇
再去其他地方兜一兜,救我一命嘅南華老仙果邊,哇!真係好熱鬧!好,等我都大顯身手,進入主線關卡番番去以前。哇,係關公呀!真係冇唸過會再見到佢,而且過去嘅青梅竹馬好同伴「桃華」都喺度。睇吓我哋點樣消滅惡官,拯救世道。經過一番辛苦戰鬥之後,總算獲得勝利,憑著氣勢殺啦!

◎告示榜單 兌換物品
將自己嘅能力提昇得差唔多啦,亦都加入咗一啲同伴,好似簡雍、桃彰等等,仲有咩地方好去呢?呀我記得岩岩告示板果邊人都唔少,快啲去睇吓先。原來仲有告示揭榜關卡,一入到去就冰天雪地,真係美不勝收,不過確實有啲凍!話都未講完,又有一堆敵人,睇我大顯身手啦,打敗佢哋之後仲可以搶番聘金。打咗幾次之後,累積咗一定數量嘅聘金,究竟有咩用呢?好在三國嘅人都好和善,我先知道原來可以搵「榜示官」換好嘢,而且啲裝備真係唔差。

◎三方勢力 皆有奇人
好啦!講到呢度都差唔多一日啦,等級都練到10左右,先休息一下。下次再繼續我嘅三國旅程。呀!係啦,有傳言話其他國家都有同我一樣際遇嘅人出現,同樣被仙人所救,並矢志要拎番失去嘅一切。雖然話就話係敵國嘅人,勢必喺戰場入面相遇,不過大家都係各為其主姐。